تأشيرة الشنغن Schengen Visa

تأشيرة الشنغن هي تأشيرة بتخليك تقدر تسافر لـ دول الشنغن و تتنقل بينهم بسهولة بحد أقصى 90 يوم خلال 6 شهور.

 

اتفاقية الشنغن فيها ٢٦ دولة:

* 22 دولة من الاتحاد الأوروبي: ألمانيا، بلجيكا، الدنمارك، استونيا، فنلندا، فرنسا، اليونان، إيطاليا، لاتفيا، ليتوانيا،
لوكسمبورج، مالطا، هولندا، النمسا، بولندا، البرتغال، سلوفاكيا، سلوفينيا، إسبانيا، السويد، التشيك، المجر.

* 4 دول خارج الاتحاد الأوروبي: ايسلاندا، ليشتينشتاين، النرويج، سويسرا.

 

الهدف منها

تسهيل دخول و خروج مواطنين دول شنغن و تسهيل حركة التجارة بينها و بين بعض.

 

أنواع فيزا شنغن

* تأشيرات شنغن لرجال الأعمال

* تأشيرات سياحية و تأشيرات الزيارات الخاصة

* تأشيرات خاصة بالعلاج الطبي

* تأشيرات الدراسة أو التدريب

* تأشيرات البعثات الدبلوماسية أو البعثات الحكومية الرسمية

* تأشيرات الترانزيت فى المطار

 

خطوات الحصول على فيزا الشنغن

* احجز ميعاد مع السفارة أو القنصلية

* اقرأ التعليمات كويس و اتأكد إنك بتطابق المواصفات

* املأ الـ Application Form

* قدم  صورة جديدة.

* قدم المستندات اللي السفارة/القنصلية طالباها

* جهز نفسك للإنترفيو

 

الأوراق المطلوبه للحصول على فيزا الشنغن:

متطلبات كل دولة من دول الشنغن بتختلف اختلاف بسيط جدا عن الدول التانية من حيث الـ Required documents و الـ Identification papers و الـ Current Financial State. و لكن كلهم بيجتمعوا على المتطلبات دي

* الـ Application Form (لازم يكون كامل و متوقع).

* 2 صورة حديثة ملونة واضحة.

* الباسبور يكون ساري على الأقل لمدة 3 شهور قبل السفر مباشرة، و يكون فيه على الأقل صفحتين فاضيين.

* صورة من حجز الرحلة ذهاب و عودة بالمدة اللي ناوي تقعدها برّة (ودا ممكن يكون حجز مبدأى من اى شركه طيران بدون دفع رسوم التذاكر)

* إثبات حجز مكان الإقامة.

* تأمين صحي يغطي فترة الاقامة.

 

ملاحظات

– لو هتسافر لأكتر من دولة من دول الشنغن فأحسن حاجة تقدم ع الفيزا في سفارة أكتر بلد هتقيم فيها.

– الإقامة اللي مدتها 90 يوما أو أقل تتطلب تأشيرة إقامة قصيرة الأجل “تأشيرة شنغن”.

 

طيب لو انا محتاج إقامة طويلة الأجل عشان أدرس هعمل ايه؟

بعد ما تحصل على تاشيره الشنغن و تسافر البلد اللى هتدرس فيها بتقدر من هناك في خلال مده الشنغن تقدم على Residence permit بيتجدد سنويا بعد ما بتوصل البلد. و لكن لازم عشان تسافر اى بلد من اللى فوق دول يبقى معاك تأشيرة شنغن على الـ Passport. و هنتكلم عنها بالتفصيل في النصائح اللي المفروض تعملها بعد ما توصل بلد الدراسة.

 

 هنركز كلامنا عن تأشيرات الدراسة أو التدريب خطوة خطوة

مين محتاجها؟

الطلاب من خارج أوروبا.

إيه المستندات المطلوبة؟

أولا لازم تنزّل الـ Application Form و تملاها كلها بأمانة، و ممكن تملاها الكترونيا و تطبعها. فيه بعض المستندات الإضافية اللي لازم تقدمها مع المستندات اللي فاتت

* خطاب القبول من الجامعة Acceptance Letter

* إيصال دفع مصروفات التقديم في الجامعة

* مستند مادي يثبت إنك هتعرف تعيش برّة و تغطي تكاليف معيشتك.

 

– فيه مستندات زيادة ممكن تتطلب بناء على طلب السفارة نفسها عشان تتأكد إن طلب الفيزا و المعلومات حقيقية، زي مثلا اثبات إن مش عليك أي حكم قضائي (فيش وتشبيه). دا غير إن لازم الطالب نفسه يقدم الأوراق بتاعته في الموعد اللي هيحددوه معاه.

 

بستلم الفيزا امتى؟

تأشيرات الدراسة أو التدريب بيوصلك الرد عليها في خلال من أسبوعين لشهر.

 

رسوم الفيزا كام؟

مفيش رسوم للفيزا للطلاب اللي مسافرين بغرض الدراسة أو للباحثين من دول العالم الثالث اللي مسافرين بغرض الأبحاث العلمية.

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=150
Pinterest
Pinterest
LinkedIn
Instagram

One Comment

  1. Pingback: Pack your Bag – Acuniite | Study in Europe

Leave a Reply

Your email address will not be published. Required fields are marked *