انترفيو السفارة Embassy Interview

انترفيو السفارة يعتبر واحد من أهم الحاجات اللى كل الناس بتخاف منها جدا و بتقلق تكون عائق قدام حلمها بالسفر, عشان كده احنا هنسهل عليكوا الموضوع جدا و هنقولكوا إيه هي أهم النصايح والأسئلة المتكررة في انترفيوهات التقديم على الفيزا في السفارات خصوصا بالنسبه للفيزا الدراسيه من دول الاتحاد الأوروبي يلا بينا..

Tips

* اوصل قبل ميعاد الانترفيو بـ 15 دقيقة، اعمل حساب الاسانسير المتعطل و الميكروباصات المتأخرة و الزحمة غير المتوقعة في يوم زي ده. لو وصلت متأخر ففي احتمال ميعملوش انترفيو معاك.

* جمّع معلومات و اقرأ عن السفارة قبل ما تروح الانترفيو. تقدر تجيب معلومات عن طريق موقع السفارة في بلدك هتفيدك و هتؤهلك نفسيا.

* خليك جاهز. ارجع اقرأ المقال دا شنغن فيزا.

* حضّر أفكارك و رتّبها و خلّي شغفك هو اللي يتكلم،  بلاش الإجابات المحفوظة.

*  خليك واضح و قول الحقيقة و متفتيش! لو الـ Interviewer حس إنك بتكدب مش هتشوف الفيزا، لو مش عارف إجابة سؤال معين، قول معرفش. لو مش فاهم سؤال خليه يعيدلك صياغته. دا مش امتحان! ده إنترفيو. و هما عارفين إن دي مش لغتك الام فـ متتوترش، إنك تتعثلم في سؤال مش مشكلة، أما إجابة غير صادقة أو مزيفة هتخلي طلب الفيزا يترفض.

 

الأسئلة

 

اسئلة عن خططك الدراسية

* ليه عاوز تسافر؟ و ليه اختارت البلد ده تحديدا؟

* إيه تخصصك؟ و ليه اختارت التخصص دا؟

* ليه عاوز تكمل دراستك؟ و اللي هتدرسه ليه علاقة بدراستك أو شغلك السابق؟

 

اسئلة عن اختيار الجامعة

* كام جامعة قدمت فيها؟ و إيه و كام عدد الجامعات اللي قبلتك و الجامعات اللي رفضتك؟ و ليه اختارت الجامعة دي؟

* تعرف إيه عن الدولة المدينة و الجامعة (زي مثلا أسماء دكاترة هناك) اللى رايحها؟ 

 

اسئلة عن مؤهلاتك الدراسية

* ايه مؤهلاتك للدراسة في البلد ده؟

* ليه اختارت دراستك بالإنجليزي أو بلغه تانية؟ و إيه مستواك باللغة؟ و ليه مكملتش دراسة اللغة في بلدك؟

* هتتعامل إزاي مع اختلاف الثقافة و طريقة التعليم بين بلدك و بين البلد اللي رايحها؟ 

 

اسئلة عن حالتك المادية

* هتصرف منين و جبت الفلوس إزاي؟ 

* إيه هي خططك بعد الدراسة؟

 

اسئلة عن خططك المستقبلية

* تعرف حد في البلد اللي هتدرس فيها؟ لو تعرف، إيه علاقته بيك؟ ساكن فين؟ بيشتغل إيه؟ اسمه بالكامل و عنوانه و رقم التليفون أو الإيميل؟ معاه إقامه و لا لا؟ بيدرس ايه و فين؟

* إزاي الدراسة هتفيدك في مستقبلك؟ وهل هترجع بلدك بعد ما تخلص دراستك؟

 

اسئلة أخرى

* هتعمل إيه لو الفيزا اترفضت؟

* ليه اخترت تقدم في الـ Semester ده؟ 

* والدك – والدتك بيشتغلو ايه؟ و درسوا فين؟

* عاوز ترووح امتى؟ وعاوز ترجع امتى؟ 

* هتسكن فين – حجزت ولا لسا؟

* ممكن يسالك عن نقط فى الـ Motivation Essay أو الـ  CV؟

حضّر للانترفيو، رتب أفكارك، نام بدري و اصحى و اوصل بدري، متتوترش، قول معرفش، و ربنا يوفقك 😉

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=179
Pinterest
Pinterest
LinkedIn
Instagram

Leave a Reply

Your email address will not be published. Required fields are marked *