اختيار مجال الدراسة

اختيار مجال دراستك أو الجامعة اللي هتدرس فيها سواء Undergraduate أو Postgraduate مش سهل زي ما ناس كتير عارفة، و بياخد وقت مش قليل، و طبعا لو عارف إنت عايز تعمل إيه في المستقبل و عايز تكمّل و تشتغل في إيه، فالقرار هيبقى أسهل كتير، خلينا نتكلم عن كذا عامل لازم تاخدهم في الاعتبار.

أولا: حدد هدفك!
إنك تحدد هدفك من الدراسة برة بلدك هي أهم نقطة. ناس كتير عايزة تسافر لمجرد السفر و ناس عايزة تسافر عشان مش لاقية فرصة في بلدها. والجامعة خطوة مهمة جدا في طريق مستقبلك عشان كده الاختيارات السهلة و التقليدية مبقتش عملية.
قدامنا حاجتين لازم نختارهم صح و بعناية! اختيار مجال الدراسة و بعد كده اختيار البلد…

هنبتدي نتكلم عن اختيار مجال الدراسة.
ممكن يبان إن العامل ده واضح و مش محتاج تفكير كتير! بس مهم جدا اللي هتدرسه تكون مهتم بيه؛ ده هيكون أكبر حافز عشان تتفوق و تاخد توصيات من أساتذتك هتساعدك كتير بعدين. صحيح مش ضروري الحاجة اللي بتحبها تأمّنلك وظيفة كويسة دلوقتي لكن ممكن تأمنلك مستقبل أحسن بعدين. فـ مش معقول أبدا تحوّل اهتماماتك لهواية!! لكن الصح انك تحولها لمجال تشتغل فيه طول عمرك وتبقى متمكن فيه.
و اختيار برنامج دراسي تكمن صعوبته في وجود برامج كتير جدا، ببساطة برامج الدراسة في أوروبا بتقسم كل مجال عندنا لفروع كتير جدا (كتخصص منفصل) وكل فرع جواه اقسام مختلفه و بيختلفوا في المميزات و التكاليف.

عشان كده في كذا نصيحة لو عملت بيهم هيساعدوك تحدد البرنامج اللي يتوافق مع طموحاتك.
أولا لازم تسأل نفسك الأسئلة ده و إنت بتدور

ليه عايز أدرس في اوروبا؟ هل عشان الثقافة المختلفة ولا عشان تتعلم لغة ولا عشان البرنامج الدراسي أحسن او بتدور على تخصص مش موجود في بلدك… إلخ؟
إيه المجال اللي أنا محتاجه؟ هل في مواد معينه كنت بحبها في دراستى اللى قبل كده, هل في تخصص معين جوا تخصصك كان بيشدك اكتر..؟
عايز ابدأ امتى؟ و أي semester؟
هل في دوله بفضلها؟ و لأي درجة البرنامج ده هيساعدني مع ثقافة البلد دى؟
قد إيه البرنامج ده هيساعدني في الشغل بعد كده؟

إيه اللغة بتاعة البرنامج الدراسى؟ و هل أنا مستعد أدرس البرنامج باللغة دى؟
هل هيبقى عندي وقت فاضي ولا كل وقتي هيروح أثناء الدراسة؟ (Full-Time/Part-Time)

.طيب أدوّر على برنامج دراسي واحد ولا على كذا برنامج؟ اختار أكتر 5 برامج يناسبوا احتياجاتك و خططك المستقبلية
.اشمعنى 5؟ لازم تبقى مرن في اختياراتك بحيث تضمن إنك تتقبل في برنامج من الـ 5 دول في الوقت اللي انت محدده لنفسك
إزاي هحدد برنامج من الـ 5 لو اتقبلت في اكتر من واحد؟ نظم أولوياتك على حسب إجاباتك الأسئلة اللي فاتت عشان تقدر توصل لأحسن برن يناسبك

طيب لو انا لسه مشتت ومش عارف احدد مجال ادرسه او تخصص بحبه اعمل ايه؟
ده Tests مجهزه عشان تساعدك في اختيار مجال دراستك الأنسب لشخصيتك و لخطتك المستقبلية.

Test 1
Test 2

نصيحه: ابني علاقات قوية و اكتسب رؤية جديدة, العلاقات اللي بتكونها و انت بتدرس برّة ممكن تبقى من العلاقات المهمة جدا اللي تفضل معاك دايما. و لو هتعيش مع أسرة مضيفة فالعلاقات بتستمر بعد ما بترجع بلدك كونهم بقوا زي أهلك. كل العلاقات اللي هتعملها هتفيدك جدا في المستقبل أكتر مما تتوقع.

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=18
Pinterest
Pinterest
LinkedIn
Instagram

One Comment

Leave a Reply

Your email address will not be published. Required fields are marked *