Pack your Bag

لما تيجي تحضر شنطتك أول حاجة لازم تفكر فيها هي الحاجات اللي موجودة و متوفرة في البلد اللي إنت رايحها عشان متشيلش حاجات على الفاضي و تبدلها بحاجات أهم… دا غير إن الدراسة في أوروبا تبتدي في الربيع أو الخريف تزامنا مع Best sale seasons سواء عروض ما بعد عيد الميلاد Post-Christmas أو عروض نهاية الصيف End-of-summer Events.

افتكر إن الـ 750 مليون اللي عايشين في أوروبا بيقدروا يجيبوا أي حاجة عايزينها من محلاتهم، خد نفس عميق و متزعلش على أي حاجة نسيتها، لأنك كده كده هتنسى حاجات ? و هناك فيه كل حاجة من أول احتياجات الدراسة للفيتامينات و الأدوية للأدوات الشخصية.. ممكن متلاقيش الـ Brand المفضل بالنسبة ليك بس هتلاقي الحاجة اللي بتؤدي نفس الوظيفة.

General packing tips:

* متتأخرش في تحضير شنطتك، ابدأ حضّر شنطتك من دلوقتي شوية شوية و ابعد عن الضغط و التوتر قبل يوم السفر.

* خليك متأكد إنك مش هتلبس كل اللبس اللي إنت واخده معاك. خد معاك نص اللبس اللي إنت فاكر إنك هتحتاجه.

* اكتب اسمك و إيميلك على كل شنطة معاك.

* اعرف مسموح لك بعدد كام شنطة و وزن و حجم كل شنطة. عشان متضطرش تدفع زياده فى المطار وكمان عشان مساحة * التخزين في أوضتك غالبا بتبقى محدودة.

* سيب مساحة للحاجات اللي إنت عايز تجيبها معاك و إنت راجع (هدايا، تذكارات).

* خلّي معاك نسخة من الباسبور في مكان مختلف عن مكان الباسبور الأصلي.

* سيب نسخة من كل المستندات المهمة في بلدك قبل ما تسافر.

* خزّن الأسماء، العناوين، و الأرقام المهمة في Notebook أو أي أجندة عشان لو حصل ظرف طارئ.

* اتأكد من تبليغ البنك انك مسافر عشان يفعلوا الـ Credit Card بتاعك برا بلدك ويتعملهاش Block لما تيجى تستخدمها كمان اتاكد انه مش هيسحب عمولات دولية زيادة.. بمعنى إن أحيانا بيتم خصم مبلغ لكل عملية شرائية بتتعمل بالاضاقه لقيمه التحويل بين العملات.

* سيب قايمة بأرقام تليفونات تقدر من خلالها تلغي ال Credit Card في حالة ضياعه أو سرقته.

 

الـ Handbag

جمع فيها الحاجات المهمة جدا اللي هتخليك توصلها بسهولة وسط الزحمة، اعرف المسموح ليك فيها من شركه الطيران، و خلي معاك لبس احتياطي للرحلات الطويلة. المستندات المهمة زي الباسبور و التأمين الصحي و المستند المالي الموثق.
ارجع اقرأ المقال ده (تأشيرة الشنغن).

 

دي حاجات عامة مهم تبقى معاك

– خلي معاك كل أنواع اللبس اللي يناسب البلد و يستحسن تبقى سهلة الغسيل و الكوي.. خليك مستعد لأي طقس مفاجئ ارجع اقرأ المقال ده (اختيار بلد الدراسة).

– طبق اللبس و الحاجات بتاعتك بطريقة ذكية و موفرة في الشنطة. Pack Smart

– خلي معااك ملابس Formal احتياطي ممكن تحتاجها في بعض ال Event أو الزيارات للمؤسسات هناك.

– الشواحن و الوصلات للألكترونيات مهم جدا تحضرها كويس.

 

و دي مجموعة Check-Lists بتلخّص أهم الحاجات اللي لازم تبقى معاك و إنت مسافر.. اختار أحسن صورة منهم بالنسبة لك و ابتدي حضّر شنطتك. ?

1 2 3 4

Pack Smart. Pack Light. Pack Right.

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=193
Pinterest
Pinterest
LinkedIn
Instagram

2 Comments

  1. Pingback: Tips on Board ✈ – Acuniite | Study in Europe

Leave a Reply

Your email address will not be published. Required fields are marked *