Tips on Board ✈

اتعودنا إن وجود المضيفات على باب الطيارة عشان تستقبلنا و تشوف بطاقاتنا و إن ده بيدل على حسن الضيافة، بس اللي ناس كتير متعرفهوش إن المضيفات وهم بيستقبلونا بيعملوا زى Categorization للركاب من هيئتهم, مثلا لو واحد قوي البنيه يبقوا عارفين مكانك ممكن يطلبوك لو حصل مشكله جوّة الطيارة، لو عندك إعاقة معينة بيأمنولك الراحة الكاملة ليك لو مشاكس ياخدوا بالهم منك وهكذا. ?

 

* أول نصيحة لازم تقرأ المقال اللي فات من هنا.

* اوصل المطار قبل ميعاد الطيارة بـ 3 ساعات عشان تخلص إجراءات السفر، الـGate بتقفل قبل ما الطيارة تطلع بساعة.

* خلي دايما معاك قلم، هتحتاجه و إنت بتملى أي استمارة في المطار.

* التزم بتعليمات طاقم الطائرة و احترم خصوصياتهم.

 

* خليك Ice breaker ، ابتسم 🙂 و سلّم على الشخص اللي قاعد جنبك.

* خد بالك من كلامك. لو دمك خفيف، ابعد عن النكت المتعلقة بالأسلحة و الاختطاف و الإرهاب عامة، دا هيبقى رد فعله إن الأمن هينزلك من الطيارة و ممكن تدفع غرامة و تبقى Blacklisted من شركة الطيران.

* خد نفس عميق و استرخي تماما، دا هيساعدك تسيطر على ردود أفعالك و يبعد عنك الهواجس السلبية من الطيران.

* الهواء جوّة الطيارة غالبا بيبقى جاف عشان كده اشرب مياه كتير

– بلاش عدسات لاصقة و إنت في الطيارة عشان ممكن تجف و تأذي عينك.

 

* البس لبس مريح و مناسب لطقس البلد اللي رايحها.

* حط في اعتبارك فرق التوقيت بين بلدك و بين البلد اللي إنت رايحها عشان ترتب وقتك. تقدر تنام في الرحلات الطويلة، هتلافى في الطياره غطاء للعين و جوارب للقدمين.

* خلي معاك Smartphone أو Tablet في الرحلات الطويلة.. ممكن تستعمله وقت الطياره بسAirplane mode  يسليك، كمان فيه أماكن كتير جدا بعد ما توصل بتوفر Wi-Fi مجاني

* القعدة متعبة.. حاول تحرك نفسك في مكانك سواء إيدك أو رجلك، أو قوم اتمشى الطرقة و ارجع تاني.

 

* متبقاش متوتر و قلقان أكتر من اللازم، قلقك هيخليك متستمتعش بالرحلة.

* حافظ على هدوءك حتى لو لقيت حاجات أو مواقف تضايق.

* راعي مشاعر الآخرين. إنت مش لوحدك في الطيارة.

* خلي معاك جاكيت أو حاجة تقيلة تلبسها لو حبيت تنام, بطانية الطيارة رفيعة و مش بتدفي.

* حضر أى ادويه بتاخدها و خليها معاك لو مريض.

* في الرحلات الطويلة، هات معاك نوع كويس من سدادة الأذن Noise-Cancelling headphones أو Earplugs عشان تعزلك عن أي أصوات مزعجة و هتنفعك في مرحلة الهبوط.

 

* لما يبقى فيه حاجز في اللغة، استخدم لغة الجسد (الإشارة) Body Language … لغة الجسد هي أكتر لغة عالمية،و متنساش تترجم الـ Full stop لـ Smile 

* ممكن جدا يكون فى حد بيفهم لغتك، فراقب كلامك كويس.

* لو فيه كتاب بتقرأه، ممكن تشيله كـ Soft copy على موبايلك أفضل.

* قبل ما تنزل من الطيارة، اتأكد إنك مش ناسي حاجة.

* بعد ما تنزل من الطيارة اتبع التعليمات لحد ما توصل لـ سير الشنط و اتأكد من الشنط بتاعتك كلها قبل ما تطلع من المطار.

 

و حمدلله على السلامة. ?

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=211
Pinterest
Pinterest
LinkedIn
Instagram

One Comment

Leave a Reply

Your email address will not be published. Required fields are marked *