اختيار بلد الدراسة

لما تعرف و تحدد مجال دراستك يبقى الخطوة اللي جاية علطول هي اختيار أنسب بلد عشان تكمل دراستك فيها، و طبعا أحسن بلد هتتحدد مبدأيا بناء على Rank الجامعات في البلد دي. فاختيار جامعة ليها سمعة كويسة ده شيء مهم و ليها مميزاتها، بس عشان تقدر تدخل جامعة زى Cambridge مثلا محتاج مجهود كبير و صبر لإن الـ Acceptance rate  بيقل كل ما يزيد الاقبال..

الاعتبارات المالية
الطلاب اللي بيعتمدوا بشكل رئيسي على الأهل لازم يحطوا في اعتبارهم مسألة التمويل بعناية كبيرة. حط في اعتبارك قبل أي حاجة الإقامة الجامعية ومصاريف المعيشة والكتب والأكل والمواصلات وأي مصاريف تانية ممكن تظهر فجأة. متسيبش نفسك للظروف. حط ميزانية للحاجات دى كلها كل شهر و حط هامش معقول للطوارئ. و قبل كل دا حدد انت هتدرس فين بناء على ميزانيتك، في دول مجانيه ودول رخيصة ودول غالية جدا في مصاريف الدراسة.

لغة الدراسة
بعض الجامعات والتخصصات بتتطلب لغة البلد نفسها وبعضها بتقدم برامج بالـ English، وبعض البرامج بتمنح كورسات لغة في مواضيع ليها علاقة بتخصصك عشان تساعدك في البحث و توسّع آفاقك. من غير لغة، صعب جدا تتعايش و تواكب العالم. بالاضافه لنوع دراستك يعنى مثلا لو حبيت تدرس لغة فأفضل مكان هو البلد الأم (اللي بتتكلم اللغة دى كـ لغة أولى) لأنك هتتعلم تتكلم زي أهل البلد بالضبط.

اقرأ الكتالوج (اعرف الشروط)
مش معنى إن معاك شهادة البكالريوس من جامعتك، إنك هتتقبل في برنامج الماجستير الخاص بالجامعة اللي هتقدم فيها. خليك واعي بالشروط، كل دوله. بعض الجامعات و المعاهد بتاخد في الاعتبار درجة البكالريوس بتاعتك. وبعض التخصصات بتتطلب مقالات للقبول ((entrance essays، أو انترفيوهات في الأغلب بيحددلك مواضيعها. اتأكد إنك عارف المعلومات الكافية عشان متضيّعش وقت كبير في التقديم في المكان الغلط. و يا سلام بقى لو سألت طلاب راحوا الجامعة و نجحوا عشان تستفيد من خبرتهم، و جهز كل اوراقك كويس جدا زي المطلوب بالضبط، دا هـيدِّي انطباع كويس عنك.

 تذاكر السفر
ودي نقطة مهمة برضه لازم تحطها فى اعتبارك, مش كل الدول زي بعض فى أسعار الطيران بعض الدول تذاكر الطيران عشان تروح هناك بس دا فى حد ذاته تكلفه ماديه كبيره. اعمل Search على أسعار تذاكر الطيران للبلد اللى حاببها الأول قبل ما تقرر.

هل مؤهلاتك معترف بيها؟ (المعادلة)
ده واحد من أهم الأسئلة كل بلد وليها شروطها, بعض الدول بتعفى الطلاب من السنه التحضيريه لو درسوا سنه واحده في جامعه في بلدهم والبعض الاخر لأ, لازم تعرف ايه شروط البلد اللى انت رايحها والنظام التعليمى هناك ايه.

مكان الإقامة
مدن كبيره ولا صغيره؟
كل الدول فيها مدن سياحية و مدن عادية. و طبعا تكلفة المعيشة بتختلف من مكان لـ مكان، ده بالإضافة إلى وسائل الترفيه اللي أكيد موجودة أكتر في المدن السياحية عن المدن العادية… و العكس صحيح بالنسبة للمدن الصغيرة؛ فيه ناس بيعتبروها مملة و مش ممتعة، و فيه ناس شايفينها أفضل عشان يركّزوا في دراستهم. من الآخر كل واحد بيختار بناء على ميوله الشخصية.

الطقس / المناخ
هو مش عامل رئيسى لكنه مهم في بعض الحالات لازم تعرف البلد اللى هتروحها ظروفها المناخيه ايه مقارنه ببلدك الاصلى عشان تعمل حسابك وانت بتجهز للسفر.

وأخيرا دا Test بيسهل عليك تختار أنسب دولة بالنسبه ليك ممكن يساعدك في قرارك 😉
لو عايز تعرف الجامعه اللى اخترتها الـ Rank  بتاعها عالميا ومحليا كام ابعتلنا واحنا هنساعدك ولو لسه مش عارف تحدد انسب مجال تدرسه شوف المقال اللي فات. ?

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=63
Pinterest
Pinterest
LinkedIn
Instagram

2 Comments

  1. Pingback: 12 tips to handle your first 24 hours in a new country. – Acuniite | Study in Europe

Leave a Reply

Your email address will not be published. Required fields are marked *