FAQ 4 | Military Service

– هو أنا ممكن أسافر وأنا عندي جيش؟

الحصول على تصريح سفر من الجيش بغرض الدراسة بالنسبة للشباب هي أكتر نقطة بتقلق ناس كتير من اللى بيفكروا فى الدراسة فى الخارج وخصوصا مؤخرا بعد ظهور بعض الأخبار عن تعديلات على قوانين بخصوصها سواء كانت دراسة جامعية أو دراسات عليا.

بس #المفاجأة هنا إنه لأي طالب (غير معفي من الخدمة العسكرية) الحق إنه يحصل على تصريح سفر بغرض الدراسة و بيتم استخراجه من مجمع التحرير.

دي كل المعلومات و الأوراق المطلوبة لوضع الطالب تحت الإشراف، و اللي هتساعدكوا تخلّصوا كل اجراءتكوا بسهوله وبسرعة عشان تقدروا تحصلوا على تصريح السفر:

بالنسبه للدراسه الجامعية

– قيد دراسي موثق و معتمد من الجامعة اللي هتكمل فيها دراستك برّة، بحيث يكون موثق من المكتب الثقافي بالخارج أو سفارة البلد بالقاهرة، و موثق بعد كده من الخارجية المصرية.

– صورة شهادة الثانوية.

– مصدر التمويل (حساب بنكي أو منحة أو إقامة عمل الأب أو الأم بالخارج (أو) حساب بنكي أو إقامة عمل لحد من قرايبك لحد الدرجة الرابعة).

– صورة شهادة الميلاد للطالب.

– صورة جواز السفر للطالب.

– صورة الرقم القومي للطالب.

– الرقم الثلاثي العسكري.

– استمارة (2 جند) من إدارة التجنيد.

– استمارة خضوع الطالب للاشراف العلمي من إدارة طلبة الإشراف.

– فصل أو سحب الملف من الجامعة في مصر إن وجد.

– 2 ملف.

– 5 دمغة فئة جنيه.

 

شوية ملاحظات

– يشترط الا يتعدى سن الطالب 22 سنة عند دخول الجامعة (في بلد الدراسة) لأول مرة.

– يؤجل للطالب لسن 28 سنة.

اما للدراسات العليا فالاوراق المطلوبه

– قيد دراسي موثق و معتمد من الجامعة اللي هتكمل فيها دراستك برّة، بحيث يكون موثق من المكتب الثقافي بالخارج أو سفارة البلد بالقاهرة وموثق بعد كده من الخارجية المصرية.

– صورة شهادة البكالريوس.

– مصدر التمويل (حساب بنكي أو منحة أو إقامة عمل الأب أو الأم بالخارج (أو) حساب بنكي أو إقامة عمل لحد من قرايبك لحد الدرجة الرابعة).

– صورة شهادة الميلاد للطالب.

– صورة جواز السفر للطالب.

– صورة الرقم القومي للطالب.

– الرقم الثلاثي العسكري.

– استمارة (2 جند) من إدارة التجنيد.

– استمارة خضوع الطالب للاشراف العلمي من إدارة طلبة الإشراف.

– 2 ملف.

– 5 دمغة فئة جنيه.

– إقرار من الطالب أنه لا يعمل بالحكومة أو القطاع العام بمصر و أنه لن يطالب البعثات بأي نفقات خلال فترة دراسته.

 

ملحوظة

– يؤجل للطالب لسن 29 عاما.

 

– لو أنا لسه بدرس في الكلية ومعنديش أخوات يعني معفي، هل برضه لازم أطلع تصريح سفر؟

بالنسبة للمعفيين من الخدمة العسكرية، بيتم التواصل مع مكتب التجنيد التابع لجامعتك لاستخراج شهادة الإعفاء من الخدمة العسكرية وبالتالي تقدر تسافر بدون تصريح سفر.

 

– لو معايا إعفاء من الخدمة العسكرية، هل يشترط الحصول على تصريح سفر؟

لا، شهادة الاعفاء تُغني عن تصريح السفر من الجيش.

لو جواز السفر مش مكتوب فيه موقفك من التجنيد الحالي: اعفاء أو أدّى الخدمة العسكرية أو غير مطلوب فقدامك حل من اتنين:

1. تغيير الباسبور (تعديله): اقرأ البوست دا

أو 2. احضار شهادة الاعفاء و صورة منها مع الباسبور القديم في الجوازات.

والحل الأول أفضل.

 

– في حالة إني هقدّم للدراسة الجامعية (البكالريوس)، هل فيه أي شروط للحصول على تصريح السفر؟

يشترط ألا يتعدى سن الطالب 22 سنة عند دخول الجامعة (في بلد الدراسة) لأول مرة.

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=702
Pinterest
Pinterest
LinkedIn
Instagram

Leave a Reply

Your email address will not be published. Required fields are marked *