FAQ 5 | Summer Courses

– يعني إيه Summer Course؟

الكورسات الصيفية أو الـ Summer Enrichment زي ما متعارف عليها في أمريكا هي عبارة عن مجموعة كورسات مكثفة في مواضيع دراسية معينة او هواية (زي الموسيقى أو الألعاب الرياضية.. إلخ) بجانب بعض الأنشطة الطلابية و بتتراوح مدتها من أسبوع لـ 3 أو 4 شهور في فترة الصيف.

– إيه اللي يخليني أدرس Summer courses في أوروبا؟

الفوايد الاجتماعية و الترفيهية

* هتسافر و دي تعتبر أهم نقطة في الـ summer course هتشوف بلد جديده ودا أكبر محفز بعد للدراسة. ده غير إنك تقدر تعمل Euro-Trip و تستمتع بوقتك بجانب الدراسة.

* طبيعة الإقامة وقلة عدد الطلاب خلال فترة الكورس هتخليك تقدر تعمل علاقات كتيرة مع ناس من كل أنحاء العالم و بالتالي هيبقى فيه تبادل ثقافي هيساعدك تتخلص من الخجل و ثقتك في نفسك تزيد.

* الأنشطة الترفيهية المختلفة و زيارة معالم المدينة اللي إنت بتدرس فيها للاسترخاء و الترفيه، فهتقدر تجمع بين الدراسة و السياحة في البلد دي و اللي أكيد هتضيفلك خبرة قيمة جديدة في حياتك.


الفوايد الأكاديمية

* لو مش عندك خلفية كويسة عن مجالك الدراسي، فالـ Summer courses تعتبر من أهم الحاجات اللي هتخليك تبقى familiar أكتر بمجالك المستقبلي قبل ما تبدأ دراستك و اللي أكيد هتسهل عليك و تخفف عنك كتير أثناء الدراسة.

* هتخليك جوّة دايرة التعليم لموضوع أو هواية معينة لمدة أيام، أسابيع، أو شهور. وبالتالي هتساعدك تحسن من درجاتك وتقديراتك.
هتسهل عليك التقديم في أفضل الجامعات اللي بتتطلب إثبات الكفاءة الأكاديمية بالتقديرات العالية و توصيات الأساتذة لأن دا هيمنح الجامعة انطباع كويس عنك و هيخليك تتقبل بسهولة.
* هتنمي مهارات التواصل و المشاركة في المناقشات و المناظرات و التكيف مع بيئة تعليمية جديدة و مكان دراسة جديد هيزود الجانب الإبداعي عندك بالإضافة لإدارة الوقت و التنظيم و المهارات اللغوية، و العلمية زي كتابة المقالات العلمية و أساليب الامتحانات.

الفوايد المهنية

* نقطة قوة في الـ CV بتاعك، عادة أصحاب الأعمال بيشوفوا آلاف من الـ Applications المتشابهة في المهارات، حضورك و دراستك للـ Summer course هيعتبر الفارق بين الـ Application الناجح و غير الناجح و هيخليك إنت نفسك مختلف و تكتسب أفضلية عن البقية خصوصا لو هتقدم في وظيفة خارج بلدك .

– تكلفة الـ Summer Course بيكون في حدود كام؟

الـ Summer Courses ملهاش تكلفة معينة لا على حسب الدولة و لا على حسب الجامعة. كل جامعة/معهد بيبقى ليه تكلفة خاصة به.

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=705
Pinterest
Pinterest
LinkedIn
Instagram

Leave a Reply

Your email address will not be published. Required fields are marked *