Language Self-learning

اللغة هي أهم وسيلة للتفاهم بين الناس، و تعتبر من أهم الشروط لأي طالب عايز يكمل دراسته في الخارج، ولكنها مش عائق كبير لو عندك الاراده انك تتعلم هتقدر تحقق الشرط دا في نفسك فى وقت قليل خصوصا مع التركيز والمجهود الكبير.

أول و أهم حاجة الحافز و الغرض
لو معندكش سبب قوي عشان تتعلم لغة، مش هيبقى عندك الحماس عشان تكمل و غالبا مش هتتعلم في النهاية. و لما تقرر تتعلم لغة لازم تلتزم.

“OK, I want to learn this and I’m therefore going to do as much as I can in this language, with this language and for this language.”

خلي حد يساعدك
مهم جدا إنك تلاقي حد بيتكلم اللغة اللي إنت بتتعلمها بصورة كويسة، ده هيشجعك، و لو ملقتش مش عيب تتكلم مع نفسك.. فكر في طرق ممتعة عشان تمارس اللغة، ممكن تسجل صوتك و تبعته لصاحبك، ممكن تعمل comic أو تكتب قصيدة. الموضوع مفيد و هيساعدك تكون حصيله لغويه و عبارات phrases و يبقوا دايما في مخك و ده هيخلي ثقتك في نفسك تزيد لما تيجي تتكلم مع حد بعدين.

اختار موضوع للكلام
لو قدرت تلاقي شخص يساعدك و يتكلم معاك حدد موضوع للكلام من البداية، عشان ما تتوهش في الكلام و تتعلم اكتر. و ده هيخليك أحسن مرة بعد مرة.

اتعلم زي الأطفال
حاول تتعلم زي ما الأطفال بيتعلموا، فكرة إن الأطفال بيتعلموا أحسن من الناس الكبيرة ده إشاعة، مفيش بحث علمي لقى صلة بين السن و القدرة ع التعلم. الفكره الأطفال مش بيبقوا مرتبكين أو عندهم حساسية من اللي قدامهم و عندهم رغبة في اللعب باللغة و يغلطوا. احنا أصلا بنتعلم لما بنغلط. متحطش في دماغك إن الغلط عيب أو شيء وحش،  متقولش “أنا مقدرش” ملكش دعوة بالناس، اعترف إنك مش عارف و اسعى انك تعرف و دا هيبقى مفتاحك للتحسن.

اطلع برّة الـ Comfort Zone
استعدادك للخطأ ده معناه إنك مستعد تحط نفسك في مواقف محرجة، ممكن يكون ده مخيف بس هو ده الطريق الوحيد عشان تتقدم و تتحسن. هتعرف تتكلم بطلاقة لو عشت في البلد الأم او اتعاملت مع اجانب كتير. هتتكلم مع ناس غريبة عنك، هتسأل عن الطريق، هتطلب أكل، هتحاول تقول نكتة… كل ما ده يحصل أكتر كل ما الموضوع هيبقى أسهل في المواقف اللي بعد كده. و متقلقش الناس مش هتتضايق منك لما تتكلم اللغة بتاعتهم بطريقة مش قد كده بالعكس هيساعدوك.

اسمع
لازم تتعلم تسمع قبل ما تتكلم. كل لغة بتبقى غريبة أول مرة تسمعها، بس لو فضلت تسمعها بصورة مستمرة، هتبقى مألوفة بالنسبة لك و هتقدر تتكلم بيها بطريقة كويسة. و ممكن تربط الكلام بصورة ده هيسهل عليك كتير.

شوف الناس و هي بتتكلم
لما هتشوف الناس بتتكلم اللغة قدامك هتتعلم تنطق الكلام زيهم، هتطلع منك تلقائية. لو صعب تلاقي Native-speaker تشوفه و تقلده، ممكن تتفرج على فيلم أو قناة اخبارية أو فيديوهات بـ ترجمة كويسة مكتوبة بنفس اللغة وفى افلام ومسلسات بتبقى معموله بشكل خاص للى بيتعلموا اللغه اتفرج عليها هتساعدك كتير.

وكالعادة دي مجموعة من ال Links اللى ممكن تساعدكوا كتير فى تعلم اللغه ك Self-learning

– اسمع ?
Lingq
موقع بيعتمد على التكرار 😀

Duolingo
موقع ممتع هيحسسك إنك جوة لعبة فيها نقط بتكسبها و تخسرها بـ Score على حسب شطارتك في التمارين.

Alison
موقع كورسات شامل بيقدم كورسات في لغات كتير

Misterduncan
TED
الـ English ممتع جدا مع Misterduncan و مفيد و ممتع جدا مع TED Talks اللى هتضيفلك معلومات فى اى مجال انت بتحبه.

English Central
الموقع ده هيعلمك الـ English من خلال مقاطع فيديو لأفلام أو مسلسلات كرتونية… إلخ، عشان تحسن السمع و نطق الكلمات و القراءة.

– اقرأ ?
و دي لينكات كتب مجانية:
Link 1
Link 2
Link 3
Link 4

– اتكلم ?
My Languages
موقع هيخليك تتكلم مع ناس Native.

Busuu
كل درس في الموقع ده بيعلمك فيه الكلمات و بعد كده مقطع مسموع و بعد كده تمرين كتابة و بعدين هتتكلم مع حد بيتكلم اللغة اللي انت بتتعلمها و في الآخر في امتحان.

Italki
Polyglotclub
مجتمع من كل أنحاء العالم هدفه هو تعلم اللغات، تبادل لغوي. هتعلّم و تتعلم.

و أخيرا دا محرك بحث يساعدك تكتب جمل مفهاش أخطاء ?
Fraze it

أما لو انت مش من هواه ال Self-learning ف في أماكن Creative كتير فى كل الدول العربيه دلوقتى بتساعدك تتعلم اللغه بالممارسة وبشكل ممتع و إنت بتمارس هواياتك بعيد عن الحفظ و التلقين منهم طبعا Barabant language club

بعد ما تتعلم اللغه هيبقى كل الى ناقص بكل بساطه تعمل امتحان إجادة اللغة دى سواء  TOEFL أو IELTS أو TestDaf أو أى امتحان على حسب اللغة اللى بتدرسها و الدولة اللى عايز تدرس فيها. بالتوفيق 😉

Share and follow us:
Follow by Email
Facebook
Facebook
Google+
Google+
http://www.acuniite.com/blog/?p=77
Pinterest
Pinterest
LinkedIn
Instagram

3 Comments

  1. Pingback: لغة الدراسة – Acuniite | Study in Europe

Leave a Reply

Your email address will not be published. Required fields are marked *